Мекинист® (2 мг)

Мекинист®

Траметиниб

Дәрілік түрі, дозалануы

Үлбірлі қабықпен қапталған 0,5 мг және 2 мг таблеткалар

Антинеопластикалық және иммуномодуляциялайтын препараттар. Антинеопластикалық препараттар. Антинеопластикалық басқа препараттар. Протеинкиназа тежегіштері. Траметиниб.

АТХ коды L01XE25

Меланома

Траметиниб монотерапияда және дабрафенибпен біріктірілімде резекция жасалмайтын немесе BRAF V600 гені мутациясымен метастаздық меланомасы бар ересек пациенттерді емдеу үшін.

Меланоманың адъювантты емі

Траметиниб дабрафенибпен біріктірілімде адъювантты ем ретінде BRAF V600 гені мутациясымен III сатыдағы резекция жасалатын меланомасы бар ересек пациенттерді емдеу үшін.

Өкпенің ұсақ жасушалы емес обыры (ӨҰЖО)

Траметиниб дабрафенибпен біріктірілімде BRAF V600 гені мутациясымен өкпенің таралған ұсақ жасушалы емес обыры бар ересек пациенттерді емдеу үшін.

Қолданудың басталуына дейінгі қажетті мәліметтер тізбесі

– траметинибке немесе препараттың басқа компоненттеріне жоғары сезімталдық

– балалар және 18 жасқа дейінгі жасөспірімдер

– жүктілік және лактация кезеңі

Қолдану кезіндегі қажетті сақтандыру шаралары

Препаратты дабрафенибпен біріктірілімде қолдануды бастар алдында осы дәрілік препаратты медициналық қолдану жөніндегі толық нұсқаулықпен танысыңыз.

BRAF V600 мутациясының болуын растауға валидацияланған тест

Мекинист® препаратының қауіпсіздігі мен тиімділігі BRAF V600 мутациясы жоқ пациенттерде зерттелмеген.

BRAF тежегіштерімен салыстырылатын траметинибпен монотерапия

Траметинибпен монотерапия BRAF V600 мутациясы оң болатын операция жасалмайтын немесе метастаздық меланомасы бар пациенттердегі клиникалық зерттеуде BRAF тежегішімен емдеумен салыстырылмады. Зерттеулер арасындағы салыстыру негізінде жалпы тіршілік қабілеті және үдеусіз тіршілік қабілеті туралы мәліметтер, көрінісі бойынша, траметиниб пен BRAF тежегіштерінің ұқсас тиімділігін айғақтайды; алайда объективті жауабы бар пациенттердің жалпы пайызы, BRAF тежегіштерін қабылдаған пациенттер арасындағы көрсеткішке қарағанда, траметиниб қабылдаған пациенттер арасында төмен болды.

BRAF тежегішімен ем кезінде ауруы үдеп кеткен меланомасы бар пациенттерде траметиниб дабрафенибпен біріктірілімде

BRAF тежегішімен осының алдындағы ем кезінде ауруы үдеп кеткен траметинибтің дабрафенибпен біріктірілімін қабылдаған пациенттер туралы шектеулі деректер бар. Атап көрсетілген деректер осындай пациенттерде біріктірілім тиімділігінің төмен болуы мүмкін екенін көрсетеді. Демек, бұрын BRAF тежегішін қабылдаған пациенттер қауымында траметинибтің дабрафенибпен біріктірілімін тағайындау алдында емдеудің басқа тәсілдерін қарастыру керек. BRAF тежегіштерімен ем кезінде үдеуден кейінгі емдеу режимдерінің бірізділігі анықталмады.

Жаңа қатерлі түзілімдер

Траметинибті дабрафенибпен біріктірілімде қолданғанда терінің және басқа ағзалардың жаңа қатерлі түзілімдері туындауы мүмкін.

Терінің қатерлі түзілімдері

Терінің жалпақ жасушалы обыры (ТЖЖО)

Траметинибті дабрафенибпен біріктірілімде қабылдаған пациенттерде ТЖЖО жағдайлары (кератоакантоманы қоса) хабарланды. ТЖЖО жағдайларын хирургиялық алып тастау жолымен емдеуге болады, ал емдеуді модификациялау қажет емес (Дабрафенибті медициналық қолдану жөніндегі нұсқаулықты қарау).

Жаңа біріншілік меланома

Траметинибті дабрафенибпен біріктірілімде қабылдаған пациенттерде жаңа біріншілік меланоманың туындауы хабарланды. Жаңа біріншілік меланома жағдайларын хирургиялық алып тастау жолымен емдеуге болады, ал емдеуді модификациялау қажет емес.

Терілік емес қатерлі жаңа түзілімдер

Дабрафениб өзінің әсер ету механизмі негізінде RAS мутациясы болатын терілік емес қатерлі жаңа түзілімдер қаупін арттыруы мүмкін. Траметинибті дабрафенибпен біріктірілімде қолданғанда дабрафенибті медициналық қолдану жөніндегі нұсқаулықты қарау керек. RAS мутациясы оң болатын қатерлі жаңа түзілімдерде траметиниб дабрафенибпен біріктірілімде қолданылғанда емдеуге ешқандай модификация қажет емес.

Қан кетулер

Траметинибті монотерапияда және дабрафенибпен біріктірілімде қабылдаған пациенттерде, қатты қан кетулерді және өлімге соқтырған қан кетулерді қоса, қан кету жағдайлары байқалды. Тромбоциттер мөлшері төмен (<75 000) пациенттерде аталған құбылыстардың даму мүмкіндігі, осындай пациенттердің клиникалық зерттеулерден шығарылуы себепті, анықталмады. Қан кету қаупі антиагреганттық дәрілерді немесе антикоагулянттарды бір мезгілде қолданғанда артуы мүмкін. Егер қан кету туындаса, пациенттерді клиникалық көрсетілімдер бойынша емдеу керек.

СҚЛФ төмендеуі / Сол жақ қарынша дисфункциясы

Клиникалық зерттеулерде монотерапияда немесе дабрафенибпен біріктірілімде Мекинист® препаратымен ем қабылдаған пациенттерде СҚЛФ төмендеуі білінді. Пациенттерде сол жақ қарынша дисфункциясының, жүрек жеткіліксіздігінің және СҚЛФ төмендеуінің дамуына дейінгі уақыт медианасы 2-ден 4-5 айға дейін құрады. Сол жақ қарынша функциясының бұзылуымен қатар жүруі мүмкін аурулары бар пациенттерде Мекинист® препаратын сақтықпен қолдану керек. Сол жақ қарынша дисфункциясы, Нью-Йорк кардиологиялық қауымдастығының жіктеуі бойынша II, III немесе IV класты жүрек жеткіліксіздігі, соңғы 6 айда болған жедел коронарлық синдромы, бақылауға көнбейтін клиникалық мәнді аритмиялары және бақыланбайтын артериялық гипертензиясы бар пациенттер клиникалық зерттеулерден шығарылды; демек осы қауымда препаратты қолдану қауіпсіздігі белгісіз. Пациенттердің бәрінде траметинибпен емдеуді бастар алдында, емнен кейін бір айдан соң және одан кейін әзірге ем жүргізу кезінде шамамен 3 айлық аралықтармен СҚЛФ бағалану керек.

Пирексия

Монотерапияда және дабрафенибпен біріктірілімде траметинибтің клиникалық зерттеулерінде қызбаның білінуі хабарланды. Пирексияның жиілігі мен ауырлығы біріктірілген ем кезінде артады (дабрафенибті медициналық қолдану жөніндегі нұсқаулықты қарау). Траметинибті дабрафенибпен біріктірілімде қабылдаған пациенттерде пирексия қатты қалтыраумен, сусызданумен және гипотензиямен қатар жүруі мүмкін, олар кейбір жағдайларда бүйрек функциясының жедел бұзылуына әкелуі мүмкін.

Траметиниб дабрафенибпен біріктірілімде қолданылғанда және пациент температурасы ≥ 38,5 °C болғанда дабрафениб дозасын модификациялау үшін дабрафенибті медициналық қолдану жөніндегі нұсқаулықты қарау керек. Траметинибті дабрафенибпен біріктірілімде қолданғанда оның дозасын модификациялау қажет емес.

Артериялық гипертензия

Мекинист® препаратын бұрыннан келе жатқан артериялық гипертензиясы бар немесе онсыз пациенттерде қолданғанда артериялық қысымның көтерілу көріністері болды («Жағымсыз әсерлері» бөлімін қарау). Препаратпен емді бастар алдында артериялық қысымды өлшеу және одан әрі емдеу кезінде бақылап отыру керек, қажет болса, артериялық гипертензияны стандартты ем көмегімен бақылау керек.

Өкпенің интерстициальді ауруы (ӨИА) / Пневмонит

Клиникалық зерттеулерде Мекинист® препаратымен ем қабылдаған пациенттерде ӨИА немесе пневмонит дамыды; пациенттердің бәріне ауруханаға жату қажет болды. ӨИА немесе пневмониттің бірінші көріністеріне дейінгі уақыт медианасы 160 күн (60-тан 172 күнге дейін) құрады. ӨИА немесе пневмонит күмәні бар пациенттерде, оның ішінде жөтел, ентігу, гипоксия, плевралық жалқық немесе инфильтраттарды қоса, жаңа немесе үдемелі симптомдары мен белгілері бар пациенттерде клиникалық тексеру нәтижелерін алуға дейін Мекинист® препаратымен емдеуді тоқтату керек. Препаратты қабылдаумен байланысты ӨИА немесе пневмонит диагнозы расталса, Мекинист® препаратымен емдеуді тоқтату керек.

Бөртпе

Бөртпе траметинибпен монотерапия зерттеулерінде шамамен 60% пациентте және траметиниб пен дабрафениб біріктірілімінің зерттеулерінде шамамен 24% пациентте байқалды. Атап көрсетілген жағдайлардың көпшілігі 1 және 2 дәрежеде болды және емдеуді тоқтату немесе дозаны азайту қажет болмады.

Рабдомиолиз

Мекинист® препаратымен монотерапияда немесе дабрафенибпен біріктірілімде ем қабылдаған пациенттерде рабдомиолиз жағдайлары сипатталды, кейбір жағдайларда пациенттерге препарат қабылдауды жалғастыру мүмкіндігі болды. Аса ауыр жағдайларда ауруханаға жатқызу, препаратпен емдеуде үзіліс жасау немесе толық тоқтату қажет болды. Рабдомиолиз белгілері мен симптомдары білінгенде тиісті тексеру және емдеу жүргізілу керек.

Көру қабілетінің бұзылуы

Мекинист® препаратын монотерапияда немесе дабрафенибпен біріктірілімде қолданғанда, ТПЭА және ТВО қоса, көру қабілеті бұзылуының дамуы білінді. Клиникалық зерттеулерде анық көрмеу, көру өткірлігінің төмендеуі сияқты симптомдар және көру мүшесі тарапынан басқа құбылыстар аталды. Клиникалық зерттеулерде траметинибті дабрафенибпен біріктірілімде қабылдаған пациенттерде сондай-ақ увеит пен иридоциклит сипатталды.

Мекинист® препаратын анамнезінде ТВО бар пациенттерде қолдану ұсынылмайды. Бақыланбайтын глаукома немесе көзішілік гипертензия, бақыланбайтын артериялық гипертензия, бақыланбайтын қант диабетін немесе тұтқырлығы жоғары синдромдарды немесе гиперкоагуляцияны қоса, ТВО бейімділік факторлары бар субъектілерде траметиниб қауіпсіздігі анықталмады.

Егер ОПЭС диагностикаланса, дозаны модификациялауды 3 кестедегі жоспарға сәйкес жүргізген жөн; егер увеит диагностикаланса, дабрафенибті медициналық қолдану жөніндегі нұсқаулықты қарау керек. ТВО диагностикаланған пациенттерде траметинибпен емдеуді түпкілікті тоқтату керек. ТВО немесе ОПЭС диагностикаланған соң дабрафениб траметинибпен біріктірілімде қолданылса, дабрафениб дозасын модификациялау қажет емес. Увеит диагностикаланған соң траметиниб дабрафенибпен біріктірілімде қолданылса, оның дозасын модификациялау қажет емес.

Терең веналар тромбозы (ТВТ) / Өкпе артериясының эмболиясы (ӨАЭ)

Мекинист® препаратымен монотерапияда немесе дабрафенибпен біріктіріп емдеу кезінде ТВТ және ӨАЭ дамуы мүмкін. Егер пациенттерде өкпе эмболиясы немесе терең веналар тромбозының, мысалы, ентігу, кеуденің ауыруы, қол немесе аяқ ісінуі сияқты симптомдары дамыса, шұғыл медициналық жәрдемге жүгінген жөн. Өмірге қатерлі өкпе эмболиясында траметинибпен және дабрафенибпен емдеуді түпкілікті тоқтату керек.

Бүйрек функциясының бұзылуы

Клиникалық зерттеулерде траметинибті дабрафенибпен біріктірілімде қабылдаған пациенттерде бүйрек функциясының бұзылуы анықталды.

Панкреатит

Клиникалық зерттеулерде траметинибті дабрафенибпен біріктірілімде қабылдаған пациенттерде панкреатит дамуы хабарланды.

Бауыр тарапынан бұзылулар

Мекинист® препараты қолданылған клиникалық зерттеулерде бауыр тарапынан жағымсыз реакциялар білінді. Мекинист® препаратымен емдеу басталған соң 6 ай бойы әр 4 апта сайын бауыр функциясына бақылау жүргізу ұсынылады. Кейіннен бауыр функциясын бақылауды клиникалық көрсетілімдер бойынша жалғастыруға болады.

Терінің ауыр жағымсыз реакциялары

Дабрафенибпен/траметинибпен біріктірілген еммен емделу кезінде өмірге қауіпті болуы немесе өлімге ұшыратуы мүмкін Стивенс Джонсон синдромын және эозинофилиямен және жүйелі симптомдармен (DRESS) болатын дәрілік реакцияны қоса, терінің күрделі жағымсыз реакциялары (ТКЖР) болған жағдайлар хабарланды. Емдеуді бастар алдында пациенттер белгілер мен симптомдар туралы хабарлануы және тері реакцияларын мұқият қадағалауы тиіс. ТКЖР болуын көрсететін белгілер мен симптомдар білінгенде дабрафениб пен траметиниб тоқтатылу керек.

Асқазан-ішек бұзылыстары

Траметинибті монотерапияда және дабрафенибпен біріктірілімде қабылдаған пациенттерде, өліммен аяқталу оқиғаларын қоса, колит дамуы және асқазан-ішек жолының тесілуі хабарланды. Траметинибпен монотерапияда және дабрафенибпен біріктірілімде емдеуді, дивертикулитті қоса, асқазан-ішек жолы тесілуінің, асқазан-ішек жолында метастаз дамуының қауіп факторлары бар және анамнезінде асқазан-ішек жолы тесілуінің анықталған қаупімен препараттарды қатар қолдануы болған пациенттерде сақтықпен жүргізген жөн.

Басқа дәрілік препараттармен өзара әрекеттесуі

Басқа дәрілік препараттардың траметинибке әсері

Траметиниб көбінесе гидролиздік ферменттер - эстеразалар (мысалы, карбоксилэстеразалар) себебінен болатын зор ықтималдықпен деацетилдену арқылы метаболизденетіндіктен, оның фармакокинетикасына басқа препараттардың метаболизмдік өзара әрекеттесулер арқылы ықпал ету ықтималдығы аз. Осындай гидролиздік ферменттер арқылы дәрілер арасында болатын өзара әрекеттесулерді жоққа шығаруға болмайды және олар траметиниб әсеріне ықпал етуі мүмкін.

Траметиниб P-gp эффлюксті тасымалдағышының in vitro субстраты болып табылады.

Бауырлық P-gp күшті тежелісінің траметиниб деңгейінің жоғарылауына әкелуі мүмкін екенін жоққа шығаруға болмайтындықтан, траметинибті дәрілік препараттармен – күшті P-gp тежегіштерімен (мысалы, верапамил, циклоспорин, ритонавир, хинидин, итраконазол) бірге қолданғанда сақтық шарасын қадағалауға кеңес беріледі.

Траметинибтің басқа дәрілік препараттарға әсері

Алынған іn vitro және in vivo деректері негізінде траметинибтің CYP ферменттерімен немесе тасымалдағыштармен өзара әсер ету арқылы басқа дәрілік препараттар фармакокинетикасына елеулі ықпал ету ықтималдығы аз деген тұжырым жасауға болады. Траметиниб сүт безі обырының төзімділік ақуызы (BCRP) субстраттарының (мысалы, питавастатин) ішекте уақытша тежелуін туындата алады, оны көрсетілген агенттер мен траметинибті уақытынан кешеуілдетіп дозалау арқылы (2 сағат аралығымен) әбден азайтуға болады.

Дабрафенибпен біріктірілімі

Дабрафенибтің басқа дәрілік препараттармен өзара әрекеттесуі туралы ақпарат дабрафенибті қолдану жөніндегі нұсқаулықта көрсетілді.

Тағамдық өзара әсер ету

Тағаммен бір мезгілде қабылдағанда траметиниб сіңірілуі өзгеретіндіктен, Мекинист® препаратын ас ішуден кемінде 1 сағат бұрын немесе 2 сағат өткен соң қабылдау керек.

Арнайы сақтандырулар

Фертильділік

Іn vivo фертильділік зерттеулері траметинибті монотерапияда немесе дабрафенибпен біріктірілімде қолдану кезінде жүргізілмеді, бірақ ұрпақ өрбіту ағзаларында жағымсыз әсерлер байқалды. Траметиниб адамдарда фертильділікті бұзуы мүмкін.

Траметинибті дабрафенибпен біріктірілімде қабылдайтын ерлер

Дабрафенибпен in vivo зерттеулерінде сперматогенезге әсерлері байқалды. Траметинибті дабрафенибпен біріктірілімде қабылдайтын ерлер сперматогенез бұзылуының қайтымсыз болуы мүмкін ықтималды қаупі туралы хабарлануы тиіс. Қосымша ақпаратты дабрафенибтің қысқаша сипаттамасынан табуға болады.

Бала туу жасындағы әйелдер / Әйелдерге арналған контрацепция

Бала туу жасындағы әйелдерге траметинибпен емделу кезінде және емдеуді тоқтатудан кейін 16 апта бойы контрацепцияның тиімді әдістерін қолдану кеңесі беріледі.

Қазіргі уақытта траметинибтің гормональді контрацептивтерге ықпал ету-етпеуі белгісіз. Жүктіліктен сақтану үшін гормональді контрацепция қолданатын әйелдерге траметинибпен емделу кезінде және траметинибпен емделуді тоқтатудан кейін 16 апта бойы қосымша немесе баламалы әдісті қолдану кеңесі беріледі.

Дабрафенибпен бір мезгілде қолдану гормональді контрацептивтер тиімділігін азайтуы мүмкін және, демек, траметинибті дабрафенибпен біріктірілімде қолданғанда контрацепцияның баламалы әдісін, мысалы, бөгеттік әдісті қолдану керек. Қосымша ақпаратты дабрафенибті медициналық қолдану жөніндегі нұсқаулықтан табуға болады.

Жүктілік

Жүкті әйелдерде траметинибтің талапқа сай және тиісті бақыланатын зерттеулері жоқ. In vivo зерттеулері ұрпақ өрбіту функциясына уыттылығын көрсетті. Траметиниб жүкті әйелдерде немесе бала емізетін аналарда қарсы көрсетілімді. Егер траметиниб жүктілік уақытында қолданылса немесе егер пациент әйел траметиниб қабылдау тұсында жүкті болып қалса, пациент әйелді шарана үшін ықтималды қаупінен хабардар ету керек.

Бала емізу кезеңі

Траметинибтің адамның емшек сүтіне бөліну-бөлінбеуі белгісіз. Сәби үшін емшекпен қоректенудің пайдасын және әйел үшін емнің пайдасын ескере отырып, не бала емізуді тоқтату, не траметинибпен емдеуді тоқтату шешімі қабылдануы тиіс.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Траметиниб көлік құралдарын басқару және әртүрлі механизмдерді пайдалану қабілетіне мардымсыз ықпал етеді. Пациенттің пайымды бағалауды, қимыл-қозғалыс және когнитивтік дағдыларды талап ететін міндеттерді орындау қабілетіне баға бергенде пациенттің клиникалық жай-күйі мен жағымсыз реакциялар бейіні ескерілуі тиіс. Пациенттер өздерінің қызметіне кедергі болуы мүмкін қатты қажу, бас айналу немесе көру қабілетінің кінәраттары туралы білуі тиіс.

Дозалану режимі

Траметинибпен емдеуді тек ісікке қарсы дәрілік заттарды қолдану тәжірибесі бар дәрігердің қадағалауымен бастау және жүргізу керек.

Ішке.

Мекинист® препаратын монотерапияда немесе дабрафенибпен біріктірілімде қолдануды бастар алдында әрбір пациентте мақұлданған немесе валидацияланған тест көмегімен BRAF V600 гені мутациясының растауын алу қажет.

Дозалары

Мекинист® препаратының ұсынылатын дозасы монотерапияда да, дабрафенибпен біріктірілімде де тәулігіне 1 рет ішке 2 мг құрайды. Траметинибпен біріктірілімде қолдануға ұсынылатын дабрафениб дозасы күніне екі рет 150 мг құрайды.

Мекинист® препаратының таблеткасын ас ішуден кемінде бір сағат бұрын немесе одан кейін 2 сағат өткен соң бір стақан сумен ішу арқылы ішке қабылдау керек. Мекинист® препаратының таблеткаларын шайнауға немесе сындыруға болмайды. Мекинист® препаратын дабрафенибпен біріктірілімде қолданғанда Мекинист® препаратының бір реттік дозасын дабрафенибтің таңғы немесе кешкі дозасымен күн сайын белгілі бір уақытта тәулігіне 1 рет қабылдау ұсынылады.

Егер Мекинист® препаратын қабылдаудан кейін пациентте құсу болса, пациентке осы дозаны қайта қабылдауға болмайды, бірақ келесі жоспарлы дозаны қабылдау керек.

Өткізіп алған дозалар

Мекинист® препаратының кезекті дозасын қабылдауды өткізіп алғанда, егер келесі жоспарланған қабылдауға дейін 12 сағаттан көп уақыт қалған жағдайда ғана өткізіп алған дозаны қабылдау керек. Егер траметиниб дабрафенибпен біріктірілімде қабылданғанда, дабрафениб дозасын қабылдау өтіп кетсе, дабрафениб дозасын келесі жоспарлы дозаны қабылдауға дейін 6 сағаттан көп уақыт қалса ғана қабылдау керек.

Емдеу ұзақтығы

Пациенттер пайдасын көретін сәтке дейін немесе қолайсыз уыттылық дамығанша пациенттерге траметинибпен емделуді жалғастыру кеңесі беріледі. Меланомасы бар пациенттерді адъювантты емдеу, аурудың қайталануы және қолайсыз уыттылығы болмаса, 12 ай бойы жалғасуы тиіс.

Дозаны түзету

Монотерапия және дабрафенибпен біріктірілімде қолдану

Жағымсыз реакциялар дамуында емдеуде үзіліс жасау, дозаны азайту немесе емдеуді тоқтату қажет болуы мүмкін. Терінің жалпақ жасушалы обыры (ТЖЖО) немесе пайда болған біріншілік меланома сияқты жағымсыз реакцияларға байланысты дозаны түзету ұсынылмайды (толығырақ ақпарат дабрафенибті медициналық қолдану жөніндегі нұсқаулықта келтірілген).

1 кесте: Мекинист® препаратының дозасын азайтуға ұсынылатын сатылы сызба

2 кесте. Жағымсыз реакциялардың ауырлық дәрежесіне қарай Мекинист® препаратының дозасын түзету сызбасы

*Жағымсыз құбылыстардың ауырлық дәрежесі Жағымсыз құбылыстар ауырлығының стандартты критерийлер шкаласы (CTC-AE), 4.0 нұсқасы бойынша бағаланады.

Әркімдегі жеке жағымсыз реакциялар тиімді бақыланбаса, дозаны қысқарту ретінде сол дозаны қолдану сатыларынан кейін дозаны қайта арттыру мүмкіндігін қарауға болады. Траметиниб дозасы күніне бір рет 2 мг-ден асырылмауы тиіс.

Егер траметиниб дабрафенибпен біріктірілімде қолданылғанда емдеумен байланысты уыттылық әсері туындаса, екі препараттың дозасын бір мезгілде азайту, оларды қолдануды тоқтата тұру немесе тоқтату керек. Дозаны модификациялау екі препараттың біріне ғана қажет болатын пирексия, увеит, RAS мутациясы оң (негізінен дабрафенибпен байланысты) терілік емес жаңа қатерлі түзілімдер, сол жақ қарынша лықсыту фракциясының (СҚЛФ) азаюы, торқабық веналарының окклюзиясы (ТВО), торқабық пигментті эпителийінің ажырауы (ТПЭА) және өкпенің интерстициальді ауруы (ӨИА)/пневмонитке тән өзгешеліктер (негізінен траметинибпен байланысты) төменде толығырақ сипатталған.

Таңдамалы жағымсыз реакциялар үшін дозаны модификациялау өзгешеліктері (препараттардың тек біреуінің дозасы азайтылғанда)

Пирексия

Траметинибті дабрафенибпен біріктірілімде қолданғанда және пациент температурасы ≥ 38,5 °C болғанда дабрафениб дозасын модификациялау сипатталған дабрафенибті медициналық қолдану жөніндегі нұсқаулықты қарау керек. Дабрафенибпен біріктірілімде қолданғанда траметиниб дозасын түзету қажет емес.

Увеит

Увеит кезінде көздің қабынуын тиімді жергілікті дәрілер көмегімен бақылауға алу сәтті болса, дозаны модификациялау қажет емес. Егер увеит көзге арналған жергілікті дәрілерге реакция бермесе, көздің қабынуы басылғанша дабрафениб қолдануды тоқтату керек, ал артынан дозаны бір деңгейге төмендетіп, дабрафениб қолдануды жаңғыртқан жөн. Дабрафенибпен біріктірілімде қолданғанда траметиниб дозасын модификациялау қажет емес.

RAS мутациясы оң болатын терілік емес қатерлі жаңа түзілімдер

RAS мутациясы болатын терілік емес қатерлі жаңа түзілімдері бар пациенттерде дабрафенибпен емді жалғастырмас бұрын пайда және қауіп арақатынасын бағалау керек. Дабрафенибпен біріктірілімде қолданғанда траметиниб дозасын модификациялау қажет емес.

СҚЛФ төмендеуі / сол жақ қарынша дисфункциясы

Лықсыту фракциясының көрсеткіші қалыптың төменгі шегінен аз болып, СҚЛФ бастапқы деңгейден 10%-дан көп симптомсыз абсолютті төмендеуі дамыған жағдайда Мекинист® препаратын қабылдауды үзе тұру керек.

Мекинист® препаратын дабрафенибпен біріктірілімде қолданғанда дабрафенибпен емді сол дозада жалғастыруға болады. СҚЛФ қалпына келгенде жай-күйдің мұқият бақылануымен Мекинист® препаратын қабылдауды 1 деңгейге төмендетілген дозада жаңғыртуға болады.

Сол жақ қарынша функциясының 3 немесе 4 дәрежеде бұзылуы дамыған жағдайда немесе 4 апта бойы қайталанған қалпына келмейтін СҚЛФ төмендеуінде Мекинист® препаратын толық тоқтату керек.

Торқабық веналарының окклюзиясы (ТВО) және торқабық пигментті эпителийінің ажырауы (ТПЭА)

Мекинист® препаратымен ем аясында (монотерапияда да, дабрафенибпен біріктірілімде де) көру өткірлігінің төмендеуі, анық көрмеу немесе көрмей қалу сияқты шағымдар мен симптомдар дамыған жағдайда дереу офтальмологиялық тексеру жүргізген жөн. ТВО анықталғанда Мекинист® препаратымен емді дереу тоқтату керек.

ТПЭА диагностикаланған жағдайда жоғарыдағы 2 кестеде сипатталған траметиниб дозасын түзету сызбасын қадағалау керек. Мекинист® препаратын дабрафенибпен біріктірілімде қолданғанда соңғысының дозасын түзету қажет емес.

ТПЭА диагностикаланған жағдайда Мекинист® препаратымен емдеуді төмендегі сызбада сипатталғандай жүргізу керек.

3 кесте. ТПЭА дамуында Мекинист® препаратының дозасын түзету сызбасы

Пневмонит және өкпенің интерстициальді ауруы (ӨИА)

ӨИА немесе пневмонит күмәні бар пациенттерде, оның ішінде жөтел, ентігу, гипоксия, плевралық жалқық немесе инфильтраттарды қоса, жаңа немесе үдемелі симптомдары мен белгілері бар пациенттерде клиникалық тексеру өткізуге дейін Мекинист® препаратымен емдеуді тоқтату керек. Препаратты қабылдаумен байланысты ӨИА немесе пневмонит диагнозы расталса, Мекинист® препаратымен емдеуді тоқтату керек.

Мекинист® препаратының балалар мен жасөспірімдердегі (18 жасқа толмаған) қауіпсіздігі мен тиімділігі анықталмады. In vivo зерттеулерінде траметинибтің жағымсыз құбылыстары анықталды.

Егде жастағы пациенттер

Дозаны 65 жастан асқан пациенттерде түзету қажет емес. Дозаны 65 жастан аспаған пациенттерде жиірек түзету қажет болуы мүмкін.

Бүйрек функциясының жеңіл және орташа дәрежедегі бұзылуы бар пациенттерде Мекинист® препаратының дозасын түзету қажет емес. Зерттеу деректері бойынша бүйрек функциясының жеңіл және орташа дәрежеде бұзылуының траметиниб фармакокинетикасына елеулі ықпалы анықталмады. Мекинист® препаратын бүйрек функциясының ауыр дәрежедегі бұзылуы бар пациенттерде қолдану жөніндегі клиникалық деректердің болмауына байланысты, осы санаттағы пациенттерде препарат дозасын түзету қажеттілігі анықталмаған. Осы санаттағы пациенттерде препаратпен емдеуді абайлап жүргізген жөн.

Бауыр функциясының жеңіл дәрежедегі бұзылуы бар пациенттерде Мекинист® препаратының дозасын түзету қажет емес. Зерттеу деректері бойынша траметиниб клиренсі және, тиісінше, оның экспозициясы бауыр функциясы қалыпты пациенттердегі осындайлардан елеулі ерекшеленбеді. Мекинист® препаратын бауыр функциясының орташа және ауыр дәрежедегі бұзылуы бар пациенттерде қолдану жөніндегі клиникалық деректердің болмауына байланысты, осы санаттағы пациенттерде препараттың бастапқы дозасын түзету қажеттілігі анықталмады. Осы санаттағы пациенттерде препаратпен емдеуді абайлап жүргізген жөн.

Артық дозалану жағдайында қабылдау қажет болатын шаралар

Симптомдары және белгілері

Траметинибпен монотерапияның клиникалық зерттеулерінде алдын ала көзделмеген артық дозаланудың бір жағдайы хабарланды; бір реттік 4 мг доза. Осы траметинибтің артық дозалану құбылысынан кейін қандай да бір жағымсыз құбылыстар хабарланбады.

Емі

Траметинибпен артық дозаланғанда спецификалық ем жүргізілмейді. Қажет болса, жай-күйдің тиісті бақылануымен демеуші ем жүргізу керек.

Дәрілік препараттың қолдану тәсілін түсіндіру үшін медициналық қызметкер кеңесіне жүгіну керек

Жағымсыз реакциялар сипаттамасы

Кездесу жиілігін бағалау үшін келесі критерийлер пайдаланылды: өте жиі (≥ 1/10), жиі (≥ 1/100 - < 1/10), жиі емес (≥ 1/1 000 - < 1/100).

Траметинибпен монотерапия қауіпсіздігін бағалау үшін біріккен іріктеуде пациенттерде тіркелген жағымсыз дәрілік реакциялар

Өте жиі

- жүрек айну, құсу, ауыздың кеберсуі, диарея, іш қату, іштің ауыруы

- жөтел, ентігу

- бөртпе, акне тәрізді дерматит, терінің құрғап кетуі, қышыну, алопеция

- артериялық гипертензия, қан кетуb

- қажу, шеткері ісінулер, пирексия

- аспартатаминотрансфераза деңгейінің жоғарылауы

Жиі

- сусыздану

- аса жоғары сезімталдықа

- анық көрмеу, көз маңайының ісінуі, көрудің бұзылуы

- анемия

- сол жақ қарынша дисфункциясы, лықсыту фракциясының төмендеуі, брадикардия

- лимфа ісінуі

- пневмонит

- стоматит

- эритема, алақан-табан синдромы, беткейлік сызат, тері сызаттары

- бет ісінуі, шырышты қабықтар қабынуы, астения

- фолликулит, паранихия, тері асты шелінің қабынуы, пустулезді бөртпе

- аланинаминотрансфераза деңгейінің жоғарылауы, қандағы сілтілік фосфатаза деңгейінің жоғарылауы, қандағы креатинфосфокиназа деңгейінің жоғарылауы

Жиі емес

- хориоретинопатия, көру жүйкесі дискінің ісінуі, торқабық ажырауы, торқабық венасының окклюзиясы

- колит, асқазан-ішек жолының тесілуі

- рабдомиолиз

- жүрек жеткіліксіздігі

- өкпенің интерстициальді ауруы

a Қызба, бөртпе, бауыр трансаминазалары деңгейінің жоғарылауы және көру қабілетінің бұзылуы сияқты симптомдармен көрініс беруі мүмкін

b Құбылыстар: мұрыннан қан кету, нәжісте жаңа шыққан қанның болуын, қызыл иектер қанағыштығын, гематурия, тік ішектен геморроид текті қан кету, асқазаннан, қынаптан, конъюнктивалық, бассүйек ішінде қан кету және емшаралардан кейін қан кетуді шектеусіз қамтиды.

Дабрафенибпен біріктірілімде траметиниб қауіпсіздігін бағалау үшін біріккен іріктеуде пациенттерде тіркелген жағымсыз дәрілік реакциялар

Өте жиі

- жүрек айну, құсу, диарея, іш қату, іштің ауыруыg

- бас ауыру, бас айналу

- тәбеттің төмендеуі

- жөтел

- қажу, қалтырау, астения, шеткері ісіну, пирексия, тұмауға ұқсас ауру

- қышыну, бөртпе, эритемаh, терінің құрғап кетуі

- артралгия, миалгия, аяқ-қолдың ауыруы

- артериялық гипертензия, қан кетуf

- назофариингит

- нейтропения

- бұлшықеттердің түйілуіi

- аланинаминотрансфераза деңгейінің жоғарылауы, аспартатаминотрансфераза деңгейінің жоғарылауы

Жиі

- ауыздың кеберсуі, стоматит

- ентігу

- анық көрмеу, көру қабілетінің бұзылуы, көру жүйкесі дискісінің ісінуі

- тері асты шелінің қабынуы, фолликулит, паранихия, пустулезді бөртпе, фотосезімталдық реакциясы

- шырышты қабықтар қабынуы, тұмау тәрізді ауру, бет ісінуі

- акне тәрізді дерматит, актиниялық кератоз, түнде терлеу, гиперкератоз, алопеция, алақан-табан синдромы, терінің зақымдануы, гипергидроз, панникулит, беткейлік сызаттар

- папилломаc, себореялық кератоз, терінің жалпақ жасушалы обырыb

- креатинфосфокиназа деңгейінің жоғарылауы

- несеп шығару жолдарының инфекциялары

- лықсыту фракциясының төмендеуі

- жүректің жиырылу жиілігінің төмендеуі

- гипотензия

- анемия, тромбоцитопения, лейкопения, нейтропения

- сусыздану, гипонатриемия, гипофосфатемия, гипергликемия

- лимфа ісінуі

- қандағы сілтілік фосфатаза деңгейінің жоғарылауы, глутамилтрансфераза деңгейінің жоғарылауы

Жиі емес

- хориоретинопатия, торқабық ажырауы, торқабық венасының окклюзиясы

- жұмсақ сүйелдер (жұмсақ фибромалар)

- панкреатит, колит

- нефрит

- бүйрек функциясының бұзылуы

- пневмонит

- жаңа біріншілік меланомаd

- аса жоғары сезімталдықe

- брадикардия

Сирек

- асқазан-ішек жолының тесілуі

a MEK116513 зерттеуіндегі қауіпсіздік бейіні, келесі сәттерді қоспағанда, жалпы MEK115306 қауіпсіздік бейінімен ұқсас: 1) MEK115306 салыстыруы бойынша келесі жағымсыз реакциялардың жиілік санаты өте жоғары болды: бұлшықеттер түйілуі (өте жиі); бүйрек функциясының бұзылуы және лимфа ісінуі (жиі); бүйрек функциясының жедел бұзылуы (жиі емес); 2) MEK116513 зерттеуінде келесі жағымсыз реакциялар туындады, бірақ MEK115306 зерттеуінде емес: жүрек жеткіліксіздігі, сол жақ қарынша дисфункциясы, өкпенің интерстициальді ауруы, рабдомиолиз (жиі емес). 3) MEK116513 және BRF115532 зерттеулерінде келесі жағымсыз реакциялар туындады: рабдомиолиз (жиі емес)

b Терінің жалпақ жасушалы карциномасы (ЖЖК): b ЖЖК, тері ЖЖК және in situ ЖЖК (Боуэн ауруы) және кератокарцинома

c Папиллома, тері папилломасы

d Қатерлі меланома, метастазды қатерлі меланома және беткейлік таралған III сатыдағы меланома

e Дәрілік жақпаушылық қамтылады

f Бассүйекішілік қан кетуді және өлімге соқтыратын қан кетуді қоса, әртүрлі ағзалардан қан кету

g Іштің жоғарғы және төменгі бөлігінің ауыруы

h Эритема, жайылған эритема

i Бұлшықеттер түйілуі, сүйек-бұлшықеттің қарысуы

Таңдамалы жағымсыз реакциялар сипаттамасы

Жаңа қатерлі түзілімдер

Траметиниб дабрафенибпен біріктірілімде қолданылғанда терінің және басқа ағзалардың жаңа қатерлі түзілімдері туындауы мүмкін.

Қан кетулер

Траметинибті монотерапияда және дабрафенибпен біріктірілімде қабылдаған пациенттерде қатты қан кету және өлімге соқтыратын қан кету жағдайларын қоса, қан кету жағдайлары туындады. Қан кетулердің көпшілігі жеңіл болды. Дабрафенибпен біріктірілімде траметиниб қауіпсіздігін бағалау үшін біріккен іріктеуде пациенттерде тіркелген өлімге соқтыратын бассүйекішілік қан кету жағдайлары 1% (8/1076) болды. Драмрафинибпен біріктірілімде траметиниб қабылдау кезіндегі алғашқы геморрагиялық құбылыстың басталуына дейінгі уақыт медианасы меланомасы бар пациенттерде 94 күн және бұрын ісікке қарсы емнен өткен пациенттердегі ӨҰЖО зерттеуінде 75 күн құрады. Қан кету қаупі антиагреганттық дәрілерді немесе антикоагулянттарды бір мезгілде қолданғанда артуы мүмкін. Егер қан кету туындаса, пациентті клиникалық көрсетілімдер бойынша емдеу керек.

СҚЛФ төмендеуі / Сол жақ қарынша дисфункциясы

Траметинибтің оны монотерапияда немесе дабрафенибпен біріктірілімде қолданғанда СҚЛФ төмендететіні хабарланды.

Клиникалық зерттеулерде сол жақ қарынша дисфункциясының, жүрек жеткіліксіздігінің және СҚЛФ төмендеуінің бірінші білінуіне дейінгі уақыт медианасы 2-ден 5 айға дейін құрады. Дабрафенибпен біріктірілімде траметиниб қауіпсіздігін бағалау үшін біріккен іріктеуде пациенттерде тіркелген СҚЛФ төмендеу жағдайлары 6% құрады, осы орайда жағдайлардың көпшілігі симптомсыз және қайтымды болды. СҚЛФ нақты мекемеде белгіленген қалыптың төменгі шегінен аз болған пациенттер траметинибтің клиникалық зерттеулерінде қамтылмаған. Сол жақ қарынша функциясын бұзуы мүмкін патологиялары бар пациенттерде траметинибті сақтықпен қолдану керек.

Пирексия

Монотерапияда және дабрафенибпен біріктірілімде траметинибтің клиникалық зерттеулерінде пирексияның білінуі хабарланды; алайда пирексияның жиілігі мен ауырлығы біріктірілген ем кезінде артады.

Бауыр тарапынан құбылыстар

Монотерапияда және дабрафенибпен біріктірілімде траметинибтің клиникалық зерттеулерінде бауыр тарапынан жағымсыз құбылыстар хабарланды. Бауыр тарапынан болған жағымсыз құбылыстар арасында ең көп жиілері АЛТ және АСТ деңгейінің жоғарылауы болды, ал олардың көпшілігі 1 немесе 2 дәрежеде болды. Траметинибпен монотерапия үшін бауыр тарапынан көрсетілген жағымсыз құбылыстардың 90%-дан астамы емдеудің алғашқы 6 айында пайда болды. Бауыр тарапынан құбылыстар клиникалық зерттеулерде бауыр функциясына төрт аптада бір рет мониторинг өткізумен анықталды. Траметинибті монотерапияда немесе дабрафенибпен біріктірілімде қабылдаған пациенттерде 6 ай бойы әр төрт апта сайын бауыр функциясына мониторинг өткізу ұсынылады. Бауыр функциясына мониторингті, егер ол үшін клиникалық көрсетілімдер бар болса, одан кейін де жалғастыруға болады.

Артериялық гипертензия

Траметинибті монотерапияда және дабрафенибпен біріктірілімде қабылдаудың бұрыннан келе жатқан артериялық гипертензиясы бар немесе онсыз пациенттерде артериялық қысымның көтерілуімен астасатыны хабарланды. Артериялық қысымды бастапқы күйде өлшеу және емдеу кезінде оны қадағалау, ал қажет болса, артериялық гипертензияны стандартты ем көмегімен бақылауға алу керек.

Өкпенің интерстициальді ауруы (ӨИА) / Пневмонит

Траметинибті монотерапияда және дабрафенибпен біріктірілімде қабылдаған пациенттерде ӨИА немесе пневмонит дамуы мүмкін. ӨИА немесе пневмонит күмәні бар пациенттер, жөтел, ентігу, гипоксия, плевралық жалқық немесе инфильтраттарды қоса, жаңа немесе үдемелі өкпе белгілері мен симптомдары бар пациенттермен бірге клиникалық диагностикалық зерттеулер жүргізуге дейін траметинибпен емделуден бас тарту керек. Емдеумен байланысты ӨИА немесе пневмонит диагнозы қойылған пациенттерде траметинибпен емдеуді түпкілікті тоқтату керек.

Көру қабілетінің бұзылуы

Траметинибпен емделу кезінде, ТПЭА және ТВО қоса, көру қабілетінің бұзылуларымен астасқан бұзылыстар туындауы мүмкін. Анық көрмеу, көру өткірлігінің төмендеуі сияқты симптомдар және басқа көру құбылыстары траметиниб қолданылған клиникалық зерттеулерде сипатталды.

Бөртпе

Бөртпе қауіпсіздікті бағалау мақсатында біріккен қауымда траметинибпен монотерапия зерттеулерінде пациенттердің шамамен 60%-да және траметиниб пен дабрафениб біріктірілімінің зерттеулерінде пациенттердің шамамен 25%-да байқалды. Атап көрсетілген жағдайлардың көпшілігі 1 және 2 дәрежеде болды және емдеуді тоқтатуды немесе дозаны азайтуды талап етпеді.

Рабдомиолиз

Траметинибтің өзін немесе оны дабрафенибпен біріктірілімде қабылдаған пациенттерде рабдомиолиз сипатталды. Рабдомиолиз белгілері мен симптомдары тиісті клиникалық бағалау және көрсетілімдер бойынша емдеу үшін негіз болуы тиіс.

Панкреатит

Траметинибті дабрафенибпен біріктірілімде қабылдаған пациенттерде панкреатиттің пайда болуы хабарланды.

Бүйрек функциясының бұзылуы

Траметинибті дабрафенибпен біріктірілімде қабылдаған пациенттерде бүйрек функциясы бұзылуының дамуы хабарланды.

Пациенттердің ерекше қауымдары

Егде жастағы пациенттер

Операция жасалмайтын немесе метастаздық меланомасы бар пациенттерде жүргізілген траметиниб зерттеуінде (23%) пациент жасы ≥ 65 болды, ал (4%) пациент жасы ≥ 75 болды. Жағымсыз құбылыстарды және күрделі жағымсыз құбылыстарды өткерген субъектілер пайызы 65 жастан аспаған және ≥ 65 жастағы субъектілерде ұқсас болды. Дәрілік препаратты түпкілікті тоқтатуға, дозаны азайтуға және емдеуді тоқтата тұруға әкелетін жағымсыз құбылыстар ≥ 65 жастағы пациенттерде, 65 жастан аспаған пациенттерге қарағанда, зор ықтималдықпен дамыды.

Траметинибті дабрафенибпен біріктірілімде қолдану қауіпсіздігін бағалау мақсатында біріккен іріктеуде (25 %) ≥ 65 жаста болды, (6%) 75 жаста болды. Зерттеулердің бәрінде жағымсыз құбылыстарды өткерген пациенттер пайызы < 65 жастағы және ≥ 65 жастағы пациенттерде ұқсас болды. Дәрілік препаратты түпкілікті тоқтатуға, дозаны азайтуға және емдеуді тоқтата тұруға әкелетін жағымсыз құбылыстар ≥ 65 жастағы пациенттерде, 65 жастан аспаған пациенттерге қарағанда, зор ықтималдықпен дамыды.

Бүйрек функциясының бұзылуы

Бүйрек функциясының жеңіл және орташа дәрежедегі бұзылуы бар пациенттерде дозаны түзету қажет емес. Бүйрек функциясының ауыр бұзылулары бар пациенттерде траметиниб сақтықпен қолданылу керек.

Мида метастаздары бар пациенттерде траметиниб дабрафенибпен біріктірілімде

Траметиниб пен дабрафениб біріктірілімінің қауіпсіздігі мен тиімділігі мидағы метастаздарымен BRAF V600 мутациясы оң болатын меланомасы бар пациенттердегі ІІ фазаның көп арналы ашық зерттеуінде бағаланды. Осы пациенттерде байқалған қауіпсіздік бейіні біріктірілім қауіпсіздігінің ықпалдастырылған бейініне сәйкес келеді.

Бауыр функциясының бұзылуы

Бауыр функциясының ауырлығы жеңіл дәрежедегі бұзылулары бар пациенттерде дозаны түзету қажет емес. Бауыр функциясының ауырлығы орташа дәрежедегі бұзылулары немесе бауыр функциясының ауыр бұзылулары бар пациенттерде траметиниб сақтықпен қолданылу керек.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) бойынша ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір таблетканың құрамында

белсенді зат – 0,5635 мг немесе 2,254 мг траметиниб диметилсульфоксиді (0,5 мг немесе 2 мг траметинибке баламалы);

қосымша заттар: маннитол (Е 421), микрокристалды целлюлоза, гипромеллоза 2910, натрий кроскармеллозасы, натрий лаурилсульфаты, сусыз коллоидты кремнийдің қостотығы, магний стеараты;

қабық: Опадрай® сары 03В120006, Опадрай® қызғылт YS-1-14762-А, тазартылған су

Опадрай® сары 03В120006 құрамы: гипромеллоза (Е464), титанның қостотығы (Е171), макрогол, темірдің сары тотығы (Е172)

Опадрай® қызғылт YS-1-14762-А құрамы: гипромеллоза (Е464), титанның қостотығы (Е171), макрогол, полисорбат 80 (Е433) және темірдің қызыл тотығы (Е172)

Сопақша пішінді, екі беті дөңес, бір жағында «GS» және екінші жағында «TFC» өрнегі бар сары түсті үлбірлі қабықпен қапталған таблеткалар

(0.5 мг доза үшін).

Дөңгелек пішінді, екі беті дөңес, бір жағында «GS» және екінші жағында «HMJ» өрнегі бар қызғылт түсті үлбірлі қабықпен қапталған таблеткалар (2 мг доза үшін).

Шығарылу түрі және қаптамасы

Балалардың ашып алуынан қорғалған бұралатын қақпағы бар алюминий фольгадан және полиэтиленнен жасалған қорғағыш терможелімденетін төсемімен тығыздығы жоғары полиэтиленнен жасалған мөлдір емес пластик құтыға 30 таблеткадан салады. Әр құтыда құрғатқыш силикагель болады.

Медициналық қолдану жөніндегі қазақ және орыс тілдеріндегі нұсқаулықпен бірге 1 құтыдан картон қорапшаға салынады.

2 жыл

Жарамдылық мерзімі өткеннен кейін қолдануға болмайды.

Түпнұсқалық қаптамасында, тоңазытқышта 2 ° – 8 ºС температурада, жарықтан және ылғалдан қорғалған жерде сақтау керек.

Ылғал сіңіргішті алып тастамау керек!

Балалардың қолы жетпейтін жерде сақтау керек!

Рецепт арқылы

Өндіруші

ГлаксоСмитКляйн Маньюфэкчуринг С.п.А.

Штрада Провинциале Асолана 90,

43056 Сан Поло ди Торриле,

Парма, Италия

Қаптаушы

Глаксо Веллком С.А.

Авда де Экстрамедура 3,

09400 Аранда де Дуэро, Бургос

Испания

Тіркеу куәлігінің ұстаушысы

Новартис Фарма АГ, Швейцария

Лихтштрассе 35

4056 Базель, Швейцария

Қазақстан Республикасы аумағында тұтынушылардан дәрілік заттар туралы шағымдар (ұсыныстар) қабылдайтын ұйымның атауы, мекенжайы және байланыс деректері (телефон, факс, электронды пошта)

Қазақстан Республикасындағы Новартис Фарма Сервисэз АГ компаниясының филиалы

050022 Алматы қ., Құрманғазы к-сі, 95

тел.: (727) 258-24-47 

факс: (727) 244-26-51

e-mail: drugsafety.cis@novartis.com

EU SmPC of 07.09.2018